أردني يعرض قطته رحمة وصغارها للتبني بداعي السفر

وطنا اليوم:عرض شاب أردني، قطته “رحمة” وصغارها، للتبني بداعي السفر للخارج من أجل العمل، ووضع شروطا محددة لكل من يرغب بذلك.
ولفت الشاب الأردني إلى عدم وجود شخص معيل لقططه في منزله الواقع بمحافظة المفرق.
وقال إن اسم القطة “الأم رحمة ، ذكية كثير ، بترد على اسمها ، و بتعرف تفتح ايد الباب ، بتجاوب على كلمة”تعال” و بتيجي ركض، و على كلمة “انزل” في حال كانت طالعة مكان عالي و كلمة” لأ “في حال تصرفت تصرف خاطىء او قربت من شي بالبيت”.
وأضاف أن الأم رحمة وصغارها “نظايفيين بشكل مو طبيعي ، و يحبو الاماكن النظيفة ، و متعودين على الرمل” .
ولفت إلى أن “عمر الصغار شهرين و نص و كل واحد اله شخصيته ، في منهم الخجول ، واللعوب ، والهادي الذكي ، والمشاكس اللي يحب الاكل”.
وأضاف ” متعودين على الدراي فود و على المعلبات و على اكل البيت المطبوخ بدون بهارات ، و بياكلوا وجبتين باليوم ، صباحية و مسائية” .
وأوضح أن “مواعيد نومهم مربوطة بالانارة ، في حال كان الضو ابيض ، يكونوا صاحيين ، و في حال كان اصفر او مطفي ، بيدخلوا بحالة نوم و خمول “.
وفيما يتعلق بشروط المتبني المطلوب فكانت كالتالي :
صبية او شب يخافوا الله فيهم ، و بيقدروا يأمنوا الحب و العاطفة و المأكل و المشرب الهم .
أسوا كابوس ممكن افكر فيه ، انه ييجي يوم سفري و انا لسة مش مأمنهم بالمكان الصح !