وطنا اليوم:أثار إعلان أمانة عمان نيتها دخول موسوعة غينيس بأطول علم متفوقة على الرقم القياسي الذي حققته الإمارات ، جدلا بين المواطنين وذلك بسبب الأوضاع الاقتصادية الصعبة التي يعاني منها الاقتصاد الاردني، وظروف جائحة كورونا التي أدت إلى انخفاض النمو وانخفاض مسوى معيشة المواطنين، ورأى الأردنيون أنه كان الأولى أن يتم استثمار الأموال بما يمكن الأردن من عبور هذه الجائحة وهذه الظروف الصعبة.
بينما انتقد البعض أن يتم فرش العلم الأردني على الأرض والشوارع ، لأن العلم الأردني حتى عند تنكيسه عند الحداد يظل مرفوعا شامخا.
الكاتب الصحفي نادر الخطاطبة كتب معترضا على ذلك فقال:
يدخل الاردن قريبا موسوعة جينيس للأرقام القياسية باطول علم في العالم ” ٢١٣٥” مترا بفضل جهود أمانة عمان الكبرى، متقدما على الإمارات التي دخلتها عام ٢٠١٩، بعلم طوله ٢٠٢٠ مترا وياتي المنجز في خضم حالة جدل شعبي، جراء نقص في كميات المطاعيم، عزتها تصريحات لاحد أعضاء لجنة الاوبئة لقصور مالي ، أفضى لعدم الالتزام بالدفعات المالية، لموردي اللقاحات من الشركات يشار ان الإمارات تتصدر قائمة الدول العشر التي ستحقق نسبة تطعيم تبلغ ٧٥% من عدد سكانها المقارب لعدد سكان الاردن في غضون شهر ونصف.
أما الناشط والكاتب وليد عليمات فقال: خبر :أمانة عمان تدخل موسوعة غينس بأطول علم…
مبارح يسولفوا عن اقتصاد ينهار… والبلد قايمة قاعدة..مش لو تبرعوا بتكاليفه للمنظومة الصحية.. أو للناس اللي فقدت شغلها وذابحها الجوع….العبرة مش بطول العلم.. العبرة بأنك تخدم هذا العلم .
الشاعر كامل عباسي علّق متسائلا : احتفالات البلد بالمئوية
امانة عمان تسابق الزمن لعمل علم الاردن بطول مئات الامتار ٠
السؤال هل سيحتفل الفقراء بالمناسبة ؟
رابعة العواملة علقت قائلة : أمانة عمان تستعد لدخول موسوعة غينيس من خلال أطول علم في العالم 2135 متر
حدا يسلملي على غينيس ويسأله شو صار بتقاعد الامين تعدل ولا بعده عشان نلحق نحتفل بالثنتين مع بعض .
مصطفى غرايبة امانه عمان بالله روحو سكروا الحفر بالشوارع ابرك الكم بدال كب الفلوس إلي تمصوها من دمنا بالأرض .
Hedaya Awadlla : والله عنا شغلات كتبر ندخل فيها موسوعة جينيس مثلا اكتر شعب شايف وساكت اكتر شعب عنده صبر ع هيك ناس مستلمين امورنا اكتر شعب مسخم فعادي اعملوا الي بدكم ياه .
أم علاء الزيود وطيب احنا گ مواطنين شو رح نستفيد من غينسع فكره رح ادخل موسوعة غينس ع طول بالي وصبري عليكم
Noor ALnoor : هذا الي شاطرين فيه ومصاريف على الكذب ياريت مصاري الامانه يتم الرقابه عليها لأنها أموال منهوبه على احتفالات ومهرجانات بدون مخافه الله
خالد ابو بندر الوخيان : العلم في قلوبنا ودائما يرفرف مرفوع بأذن الله لكن التكلفه الي رح تقدر بالالف الاولى تبرعتوا فيهن اقلها للمستشفيات بلاش نقول رقعو الشوارع
Hadi Rababah شاطرين بالعرط بس انبوبتين اكسجين ما عرفتوا تجهزونهمالله لا يسامحكم لا دنيا ولا آخرة
Audai Mosleh ناس مش لاقية اكل و امانة عمان تعرط باطول علم شو فايدة اكبر علم اذا البلد ماكلة روح الخل و طفرانة
خلدون ابن الدغامشه : متى رح تحتفلو باطول خط فقر في العالم وتدخلو غينيسمن اوسع ابوابهاالله غالب
أم اصيليا جايب الذيب من ذيله شو هل إنجاز العظيم يعني .. اللهم أجرنا في مصيبتنا واخلف لنا خير منهالك الله يا وطن
Mustafa Safi مش لو شريتو أجهزة تنفس صناعي وتبرعتو فيها لمرضى كورونا احسن.
Moh’d Assaf : صراحة الخبر قمة بالاستفزاز هذه التصرفات هي التي تصنف زعزعة امن واستقرار البلد عندما ترى انت كمواطن ان الرسوم التي تدفعها تصرف بهذا الشكل ولهذا السبب التافه وهنالك مواطنين لا يجدون لقمة عيشهم واخرين يموتون لعدم وجود رعاية صحية مجانيةفي المئة العام السابقة لم ننجز الا زيادة في معدلات البطالة والفقر والجوع والجرائم والفساد بجميع اشكاله وتدني في مستويات الخدمات الاساسية التي تعد حق اساسي للمواطنلا حول ولا قوة الا بالله
Mohammad E Al-naimat : استراتيجيات بتخوف وخطط تطويريه مش طبيعيه احنا دايما أطول خازوق بالعالم قصدي ساريه بالأردن أطول علم بالأردن طيب مافيه اكثر أجور بالعالم بالأردن كونه ع قد ما بتصير اختلاسات و لساتنا واقفين اي ارحمو من في الأرض يرحمكم من في السماء
