رئيس غرفة تجارة عمان : الوضع مش تمام

وطنا اليوم:قال رئيس غرفة تجارة عمان خليل الحاج توفيق :نعلم ان الوضع مش تمام وان الظروف صعبة على الجميع باستثناء اللصوص والفاسدين والمتسلقين المتنفعين،
ولكن ، ليكن ايماننا بالله كبير وكذلك ايماننا بوطننا وامكاناتنا ، باذن الله لن يبقى الحال على ما هو عليه ، وكما قال لنا الختيارية زمان ( كل نزله وراها طلعة ) والطلعة بدها شدة حيل وايمان وتفاؤل .
ما حدا تعبان ومقهور قدي ، لكن التشاؤم ليس الحل ، سنبقى نعمل ونقاوم السقوط والانهيار وسنحارب الاورام الخبيثة في جسم الوطن وجميع مرافقه ونعمل على استئصالها ، هذا الوطن اكبر من مجموعة او عصابة او شلل تسيطر فيه على المشهد وتبث الاحباط في نفوس الشعب وخاصة الشباب ، وبايماننا وثقتنا بالله وبالعمل المخلص ستمر هذه الغيمة ، نعم ستمر بصعوبة وسيبقى الوطن الذي نعشق قويا حراً لانه ما حدا رح يحبنا ويطبطب علينا غيره وما حدا رح يحتضنا ويحن علينا غيره.
ومن هالمراح ما في رواح