الله على وقتٍ مضى لي من اوّل
وقت ٍ رحل ما باقي الا اخباره
فيه اذكر اني كنت بالصف الاوّل
مثل البارود اليا تقادح شراره
تشوفني مثل الحرار اتجوّل
واقنص من عيون المرار بجسارة
واليوم كنّي من ردات المحوّل
عند المصلّح راكب ٍ لي غماره
ودّي ولكن قولت الشيخ حوّل
أخير من قولت وقع يا خساره
العمر ولّى ما يفيد التحوّل
وكلٍّ بخيص بعلم نفسه وداره
فالهاتف اللي طول وقته محوّل
لو تتصل به ما تحصّل مداره
وش ينفع الشحاد كثر التسوّل
لا صار عمره ضاع عند الاشاره
يا فاهمنٍ لب الحكي لا تأول
واستثمر ايامك ترى العمر غاره
واغنم مدامك في حياتك مخوّل
وابني من أحلامك وسوي عماره
واصبر لو ان الحظ قصّر وطوّل
لا بد زرعك يوم تجني ثماره
