وزير اسبق : “بعرفش مين قرر انه عطلة الاعياد تكون على مدار ايام”

26 أبريل 2022
وزير اسبق : “بعرفش مين قرر انه عطلة الاعياد تكون على مدار ايام”

 

وطنا اليوم –  أثار الوزير الاسبق مروان جمعه  عاصفة من الجدل خصوصا على منصات التواصل الاجتماعي عندما تقدم بادراج عبر صفحته الرسمية في فيسبوك قال فيه جمعه:

بعرفش مين قرر انه عطلة الاعياد لازم تكون على مدار ايام! الواحد بعيد يوم او يومين لكن ٤ ايام ومع عيد العمال قبل مبالغ فيه! وما حدا يقول لي لازم to work smart, هذا بتحكيه لما تكون مرتاح ووضعك لوز ومش وانت كبلد ملحوق بمليون شغلة!!

تعليقات عصفت بادراج جمعة حيث الدكتور حسين البناء  قال :

بالعكس، لازم تطول العطلات لأسابيع.
بأميركا وأوروبا كم تدوم العطل؟ وهم مجتمع صناعي كبير، نحن عملانيا لا نقدم قيمة مضافة لو عطلنا شهر مثلا، خلي الناس تنبسط وتفرح بالأعياد.

فيما ناشط تواصلي قال :

يعني نحن بالقطاع الخاص سوف ندفع ثلث راتب للموظف بدون دوام او ادنى انتاج.

يذكر ان الحكومة اتخذت قرار اثار جدلا في اوساط ارباب العمل في القطاع الخاص بعد اقرار عطلة طويلة تمتد من الاحد وهو موعد عيد العمال الى صباح الاحد الذي يليه .